Aningaasaateqarfiup malittarisassai

Helene aamma Svend Jungep Aningaasaateqarfianni Ajunngitsuliornermut Siunertalimmut Atugassiamut malittarisassat
 
§ 1 – Taaguut angerlarsimaffillu:

1.1. Aningaasaateqarfik taaguuteqarpoq Helene aamma Svend Jungep Aningaasaateqarfiat Ajunngitsuliornermut Siunertalimmut Atugassiaq

1.2. Aningaasaateqarfik angerlarsimaffeqarpoq Nuummi, Kalaallit Nunaanni.

§ 2 – Siunertaq:

Aningaasaateqarfiup siunertaraa tamat iluaqutissaannut siunertalinnut tapiissalluni, maani ataani immikkut Nuup illoqarfiani meeqqat, inuusuttut utoqqaallu atugaannik pitsanngorsaanermi, kiisalu Nuup illoqarfiani, Qeqertarsuatsiaani Kapisilinnilu timersornermi pisussanut ingerlatsinissanullu tapersiissalluni.
 
§ 4 – Aningaasaateqarfiup aqunneqarnera:

4.1. Aningaasaateqarfik tallimanik ilaasortalimmik siulersuisoqarpoq.

4.2. Aningaasaateqarfimmi siulersuisut ima qinerneqartarput:

Siulersuisoq ataaseq Bank Nordic Grønland A/S-imiit toqqarneqartarpoq.
Siulersuisoq ataaseq Kommuneqarfik Sermersuup siulersuisuinit toqqarneqartarpoq.
Bjørn Junge Dalager, Bjørn Junge Dalager suliaqarfini tunngavigalugu siulersuisuni 65-inik ukioqalernissami tungaanut ilaasortaavoq. Bjørn Junge Dalager siulersuisuni ilaasortaajunnaarpat Namminersorlutik Oqartussani, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfimeersumit siulersuisuni ilaasortaq nutaaq toqqarneqassaaq.
Pisortaq Niels Pedersen, Niels Pedersen atorfini aallaavigalugu 65-inik ukioqalernissami tungaanut siulersuisuni ilaasortaavoq. Niels Pederseni siulersuisuniit soraarpat Kalaallit Nunaanni Sulisitsisut Peqatigiiffianniit ilaasortaq nutaaq toqqarneqassaaq.
Advokat Wilhelm Malling, Advokat Wilhelm Malling suliaqarfini tunngavigalugu 65-inik ukioqalernissami tungaanut siulersuisuni ilaasortaavoq. Wilhelm Malling soraarpat Eqqartuussisuunerup Kalaallit Nunaaninngaanneersumit siulersuisussaq nutaaq toqqarneqassaaq. Siulersuisuni ilaasortanngortussaq eqqartuussisuussaaq namminersortoq Kalaallit Nunaanni sulisoq. Advokati Wilhelm Malling tunuarnikuuvoq. Siulersuisuni nutaatut ilaasortanngorpoq Niels Hansen Damm.
Siulersuisuni siulittaasoq tassaajuassaaq siulersuisuni ilaasortaq advokati.

4.3. Siulersuisuni ilaasortaasut, Bjørn Junge Dalager minillugu, Niels Pedersen aamma Niels Hansen Damm ukiut pingasukkaarlugit qinerneqartassapput. Qinigaaqqittoqarsinnaavoq.

4.4. Siulersuisut aalajangiisinnaassuseqarput ilaasortat sisamat siulittaasorlu ataatsimiinnermi peqataatillugit.

Aalajangiisarnerit amerlanerussuteqarneq aallaavigalugu aalajangerneqartarput. Amerlaqatigiinnik taasisoqarsimatillugu siulittaasup qinigaa aalajagiisuusarpoq.