Svend Junge

Svend Junge kinaana?

Kalaallit ikittuinnaat Svend Junge ilisarisimanngilaat.

Svend Junge angutaavoq Nuummi projektinut assigiinngitsorpassuarnut tunissuterpassuaqarnikoq. Soorlu 2006-mi Nuuk Kunstmuseum Nuup Kommuneanut tunissutigaa. 2005-mi Sanamut – Dronning Ingrids Hospital, Nuummiittumut CT-scanner-eq syv million koruunilik tunissutigaa, ukiorlu sioqqullugu million koruuni meeqqat inuusuttullu ornittagaannut Mælkebøttenimut Nuummiittumut tunissuteqarluni.

Svend Junge Ørnhøjimi, Nørre Ommemiittumi, Jyllandip Qeqqata Kitaaniittuminngaanneersuuvoq (Kiterpasissuminngaanneersuuvoq) sanasutullu ilinniagaqarluni. Kalaallit Nunaannut 1959-imi aallarpoq inuussutissarsiornermilu qaffakkiartorneq annertooq aallartilluni.

1960-imi Kalaallit Nunanni dampvaskeri siulleq sanavaa 1960-ikkullu qeqqani sanaartugassanik suliffeqarfiinut akuulerpoq.

Godthåb Transportservicetunngavilerpaa, kingornalu Godthåb Olieservice, Godthåb Turistservice aamma Nuuk Bybusser-nik aallartitseqataalluni. Taakkua saniatigut aamma hoteleqarneq neriniartarfeqarnermilu suliffeqarfiit attuumassuteqarfigilerlugit.

Kiisalu Svend Junge Grønlands Arbejdsgiverforening aamma Godthåb Bådforening pilersitseqataaffigai aammalu piffissap ilaani politikki akuuffigalugu. 1972-miit 1981-mut Nuup Kommuneata siulersuisuini ilaasortaavoq 1991-milu Akulliit Partiiat (Center Parti) pilersitseqataaffigalugu.

Svend Junge arlaleriarluni nersornaatisinikuuvoq. 1989-imi Nuummi ataqqinaatitut innuttaasunngortinneqarpoq 1998-imilu Nersornaaserneqarluni sølviusumik aammalu Nersornaat guldiusoq 2006-imi pissarsiaralugu.

Svend Junge februaarip 21-ani 2007-imi toqukkut qimaguppoq.